ملي دفاع وزارت د شهیدانو وارثینو کورنیو ته د دوه رهایشي اپارتمانونو په ورکولو له هغوې سره کوچنی اختر ولمانځه
د ملي دفاع وزارت لومړي مرستیال ډاکټر نجیب الله "وردګ" د لوی درستیز له لومړي مرستیال ډګر جنرال اقبال علي "نادري" او ور سره پلاوي په ملتیا شهیدانو د وارثینو کورنیو ته د کابل قصبې بلاکونو سیمه کې د دوه رهایشي اپارتمانونو ورسپارلو, د خبر اخیستنې او اختر مبارکي ولمانځله.
د ملي دفاع وزارت لومړي مرستیال د ملي اردو شهیدانو د وارثینو کورنیو سره چې د خلکو د دفاع, عزت او د هېواد د شرف ساتلو په لاره کې خپل بچیان قرباني کړل, د هغوې پوښتنه وکړه او دوه, درې اطاقه اپارتمانونه یې د ټولو امکاناتو لکه: فرش, ظرف, د اختر میوې او د ۵ میاشتو خوراکي توکو په شتون کې, هغوې ته وسپاره.
په مقابل کې د ملي اردو اتلو شهیدانو کورنیو ته د ملي دفاع وزارت ځانګړې پاملرنې څخه د خوښۍ او قدردانۍ څرګنده ونه وکړه. دفاعي او امنیتي ځواکونو د ملاتړ او پاملرنې برنامو برابرول د افغانستان اسلامي جمهوري دولت او د ملي دفاع وزارت رهبرۍ په لومړيتوبونو کې قرار لري.
