د وسلوال پوځ لوی درستيز د اسلامي امارت د يو لوړ پوړي پلاوي په مشرۍ د سرپل ولايت بلخاب ولسوالۍ ته سفر وکړ
د اسلامي امارت د وسلوال پوځ لوی درستيز قاري فصیح الدین "فطرت" د اسلامي امارت د یو لوړ پوړي پلاوي په مشرۍ، چې د کورنيو چارو وزارت مرستيال مولوي مزمل او د استخباراتو د عمومي رياست مرستيال مولوي نجيب الله يې ملتيا کوله د سرپل ولايت بلخاب ولسوالۍ ته ولاړل او هلته يې د علمانو، قومي سپين ږيرو، مخورو او د سيمه ييزو امنیتي مسؤلينو سره د دغې ولسوالۍ د امنيتي وضیعت له نږدې ارزونه وکړه او خلکو د انديښنو رفع کولو په موخه يې مسؤلينو ته لازمې لارښوونې وکړې.
همدا راز په دې ناسته کې علمانو، قومي سپین ږیرو او د خلکو استازو د اسلامي امارت له دفاعي او امنيتي ځواکونو څخه خپل هر اړخيز ملاتړ اعلان کړ او له دولت څخه يې د بيارغونې او عامو خلکو ته د لا زياتو اسانتياوو برابرولو غوښتنه وکړه.
