د هوایي ځواک د عمومي قوماندانۍ د ۴۳۲ تنه منسوبینو د سویې د تثبیت آزمون ترسره شو
د ملي دفاع وزارت د هوایي ځواک د عمومي قوماندانۍ د منسوبینو د ظرفیت لوړولو او مسلکي کېدو په موخه، د ملي اردو له ۴۳۲ تنو منسوبینو څخه چې ۳۵ تنه یې نجونې دي، نن د پرسونل د ښوونې په چارو کې د ملي دفاع وزارت د مرستیالې منیره "یوسفزاده"، د هوایي ځواک د قول اردو قوماندان، د ملي دفاع وزارت د بهرنیو اړیکو د رییس او د سیسټیکا قوماندانۍ او AMDC ادارې د استازو په شتون کې په انګلیسي ژبې د سویې د تثبیت آزمون واخیستل شو.
دغه منسوبین چې له دوو کلونو راهیسې د ملي دفاع وزارت په هوایي پوهنتون کې د انګلیسي ژبې په زدکړو بوخت وو، د نمرو د ارزونې له تثبیت وروسته د مسلکي او ځمکني تخنیک زدکړو د ترلاسه کولو په موخه د "سلواکیا" او "اماراتو" هیوادونو بورسیو ته استول کېږي او بله برخه به یې هم په دننه هېواد کې زدکړې ترلاسه کړي.
