د ملي دفاع وزارت ۲۴ تنه منسوبین د "اپس" کورس له دویمې دورې څخه فارغ شول
د ملي اردو ۲۴ تنه منسوبین د" اپس" سیستم د یوې مسلکې روزنیزې دورې له زدکړې وروسته، تیره ورځ د دوی د فراغت مراسم د ملي دفاع وزارت د لومړي مرستیال شاه محمود "میاخیل"، د ښوونې او پرسونل په چارو کې د ملي دفاع وزارت مرستیالې منیره "یوسف زاده"، د مارشال فهیم پوهنتون قوماندان، د ملي دفاع وزارت جنرالانو، رییسانو او افسرانو په ګډون ترسره شول.
په دغو مراسمو کې د ملي دفاع وزارت لومړي مرستیال شاه محمود "میاخیل" د "اپس" سیسټم د پلي کېدو په اړه سل سلنه ډاډ ورکړ او وې ویل: "د دې سیسټم په عملي کیدو سره د ملي اردو منسوبینو په کاري چارو کې لا اسانتیاوې رامنځته شوي دي."
همدا راز د ښوونې او پرسونل په چارو کې د ملي دفاع وزارت مرستیالې منیره "یوسف زاده" وویل: " ملي دفاع وزارت د اپس سیسټم په جوړلو کې مخکښ دی. دغه میتود په نوي ښوونیز کال کې د ملي اردو په ښوونیز نصاب کې شامل شوی دی."
د مراسمو په پای کې پر فارغانو د ملي دفاع وزارت د مشرتابه، جنرالانو او رییسانو له لوري د فراغت سندونه او ستاینلیکونه ترلاسه کړل.
