د ملي دفاع وزارت سرپرست هېواد د هوایي ځواکونو څخه قدردانی او ستاینه وکړه
د ملي دفاع وزارت سرپرست ستر جنرال بسم الله محمدي د هوايي ځواکونو د تشویق او قدرداني په موخه نن سهار له هوايی قول اردو څخه د لیدنې پر مهال وویل: د افغانستان ملت به ستاسې سرښندنې او اتلولۍ هېڅکله هیرې نه کړي.
ستر جنرال بسم محمدي د هوايي ځواکونو د ورځې او شپې له نه ستړو کیدونکو هڅو د مننې تر څنګ وویل: «د هوايي ځواکونو د برېدونو په ځانګړی توګه په دې وروستۍ اونۍ کې د هېواد په ګوټ-ګوټ کې ترهګرو ته درانه تلفات واړول، د دفاعي او امنیتي ځواکونو مقاومت او د هوايي قواوو برېدونو له دښمن څخه لاره ورکه کړې ده.»
ستر جنرال بسم الله محمدي ژمنه وکړه چې د دفاعي او امنیتي ځواکونو په ځانګړې توګه هوايي قواوو غوښتنو او اړتیاو ته به په وخت رسیدنه کوو، د دفاعي او امنیتي ځواکونو په ځانګړې توګه هوايي قواوې یې د لومړیتوبونو څخه دي او دې برخه کې به د هيڅ ډول کوښښ څخه ډډه نه کوو.
