د دفاعي او امنیتي ځواکونود قوماندانانو ګډ کنفرانس چې د ملي دفاع وزارت په تالار کې د دوه ورځو لپاره جوړ شوی وه، پای ته ورسید

کابل: افغانستان: د دفاعي او امنیتي ځواکونو د قوماندانانو ګډ کنفرانس د ملي اردو، ملي پولیسو، ملي امنیت د قطعاتو د یوکال لاسته راوړنو د ارزونې او همدا راز په روان کال کې د دغو ځواکونو د مورال او پوځي قابلیتونو د لوړوالي ، د ځواکونو پر ځای کارول ؛ په وخت باندې د امکاناتو رسول او د دغو ځواکونو د مرګ ژوبلې د مخ نیوي په هکله چي د کب په ۲۲ نیټې پیل شوی وه نن ماښام پای ته ورسید. 
د دغه کنفرانس په پاي غونډه کې چې د ملي دفاع وزارت په تالارکې جوړه شوې وه د ملي یووالي حکومت اجرائیه رئیس ډاکتر عبدالله "عبدالله" هم ګډون درلود، په پیل کې د مسلح ځواکونو لوي درستیز ډګر جنرال بسم الله "وزیري" د کنفرانس د لاسته راوړنې په هکله معلومات ورکړاو زیاته یې کړه: "یاد کنفرانس کې په درې مهمو ټکو باندې بحث وشو، د سولې تینګښت، د روانو ټاکنو د امنیت د ساتنې او د ځواکونو پر ځاي کارول.
د سولي د ټینګښت په هکله د مسلح قواوو لوي درستیزروان کال یي ډیر مهم او د ستونزونه ډک کال وباله او وې ویل د غوندې ګډونکوونکو د طالبانو، داعش او نورو ترهګریزو ډلو د له منځه وړلو په موخه د یو دقیق پوځي عملیاتو پر لاره اچولو غوښتونکي شو او ټینګار یې وکړ چې د طالبانو پر وړاندې دې پوځي فشارونه ډیر شي تر څو هغوي افغان دولت سره سولې ته غاړه کیږدي.
همدا راز د تاکنو د امنیت په برخه کې یي وویل:" د غوندې ګډونکونو هوډ کړۍ چې د پارلماني ټاکنو په شان به ملي اردو،ملي پولیس او ملي امنیت ځواکونه په بی طرفۍ او ریښتنولۍ سره د ټاکنو د سرته کولو امنیت ساتي.
د مسلح قواوو لوي درستیز وویل:" د ځواکونو د ودې په برخه کې ښوونیز او وظیفوي سایکلونه جوړه وو ، په دې برخه کې به د یو منظم پلان پر اساس پر مخ لاړ شو.
او همدا راز د ځواکونو پر ځاي کارول، پوځي وسایطو او تجهیزاتو نه په سمه توګه کار اخیستل، د قطعاتو لپاره پر وخت د لوژستیکي امکاناتو رسول او د ملکي مرګ ژوبلې د مخنیوې په هکله هر اړخیره خبرې وکړې.
وروسته د ملي یووالي حکومت اجرائیه رئیس د غوندې ګډونوالو ته په خبرې کې وویل :" زمونږ دفاعي او امنیتي ځواکونه په دې حساسو شرایطو کې دروند مسوولیت پر غاړه لري د دوي قربانۍ په دې ټپل شوي جګړه کې باید هيڅکله د سولې پر خبرو اترو کې له پامه ونه لویږي. د افغانستان خلک او دولت سوله غواړي هغه سوله چې د افغانانو عزت او وقار په پام کې نیول شوی وي.
افغان دفاعي او امنیتي ځواکونه باید تر هغه پورې چې سوله منځ ته نه یې راغلې ، جګړه ایز چمتو والۍ ولري او د هغوي په کړنه او دندو کې باید هیڅ ډول بدلون را منځ ته نشي. 
ښاغلي عبدالله په پاي کې د غوندې ګډونکوونکو ته ډاډ ورکړ چې تاسو د سولې نه وروسته به هم د افغانستان د خلکو د سر تاج و اوسې.
د غوندې په بله برخه کې د غوڅ ملاتړ قوماندانې مرستیال ښاغلی سلواتور کامپوریل ګډونوالو ته په مننې وویل: " د قوماندانانو دغه دوه ورځنی کنفرانس ډیر ګټور وه د ملکي وګړو د مرګ ژوبلې د مخنیوي په هکله چې په یوه بنسټیزه تګلارې بحث وشو دا یو مهم ټکي وو.
د غوندې په پاي کې د ملي دفاع وزارت سرپرست وزیر ګډونوالو سره د مخه ښې تر څنګ د ملي اردو، ملي پولیسو او ملي امنیت ځواکونو هغه کوښښونه یې چې په ۱۳۹۷ کال کې د امنیت د راوستلو په موخه تر سره کړي مننه وکړه او ډاډ یې ورکړ چې ملي دفاعي او امنیتي ځواکونه د ژوند تر آخرې سلګې پورې د هیواد او د خلکو نه ساتنه کوي.