د جګړه ایزو ګډو زده کړو قوماندانۍ د انجینرۍ تسهیلاتو له کورس څخه ۱۵ تنه مجاهدین فارغ شول
د جګړه ایزو ګډو زده کړو قوماندانۍ د جګړه ایز ملاتړ ښوونځۍ د انجینري تسهیلاتو د ادارې او مدیریت له کورس څخه د بیلابیلو قول اردوګانو ۱۵ تنه مجاهدین فارغ شول.
په دې غونډه کې د جګړه ایزو ګډو زده کړو قوماندان مولوي محمد هاشم «حذیفه» په ګډون زیات شمیر مجاهدینو او منسوبینو ګډون کړی وو.
په یاده غونډه کې مولوي خدایداد "مهاجر" مجاهدین خپلو مسؤلیتونو ته متوجه کړل او همدا رنګه فارغ شویو مجاهدینو د هیواد په هر ګوټ کې دندې اجراء کولو ته بشپړ چمتووالی وښود. په پای کې فارغ شویو مجاهدینو ته بری لیکونه هم ورکړل شول.
