دملي دفاع وزارت سرپرست د امنیتي وضعیت څېړلو په موخه بلخ ولایت ته سفر وکړ
نن د ملي دفاع وزارت سرپرست ستر جنرال بسم الله “محمدي”بلخ ولایت ته د امنیتي وضعیت د څیړنې په موخه سفر وکړ.
د ملي دفاع وزارت سرپرست ۲۰۹ شاهین قول اردو، کې د بلخ له والي محمد فرهاد “عظیمی” د قول اردو قوماندان تورن جنرال خان الله “ شجاع” او ددغه ولایت له نظامي شورا مسولینو سره د بلخ ولایت امنیتي وضعیت په تړاو بحث او خبرې وکړې.
ددغه سفر په ترڅ کې د ملي دفاع سرپرست وزیر ښاغلي محمدي د خلکو ستونزې او وړاندیزونه یې واوریدل او امنیتي مسولینو ته یې لازم هدایت ورکړل.
د ملي دفاع وزارت سرپرست د ۲۰۹ شاهین قول اردو کې بېلابېلو ناستو کې د سرتېرو، برېدملانو او افسران د سرښندنو او اتلولیو د دوی له لاسته راوړنو او د ښمنانو پروړاندې د مبارزې په برخه کې د بلخ خلکو ته د امنیت په راوستو کې له کوښښونو یې تقدیر وکړ او هغوی ته یې د ستونزو رسیدو په برخه کې ژمنه وکړه.
