دفاعي او امنیتي ځواکونه د افغانستان د دښمنانو پر وړاندې په لوړ مورال او کلک هوډ مبارزه کوي

s.mohmand
شنبه ۱۳۹۹/۱۲/۹ - ۲۰:۲۹
دفاعي او امنیتي ځواکونه د افغانستان د دښمنانو پر وړاندې په لوړ مورال او کلک هوډ مبارزه کوي

د ملي دفاعي او امنیتي ځواکونو د ملي ورځې (د کب نهمې) په مناسبت جوړه شوې لمانځغونډه کې د افغانستان ولسمشر او د وسلوال پوځ سر اعلی قوماندان محمد اشرف غني, د جمهوري ریاست لومړي مرستیال امرالله صالح, د جمهوري ریاست دویم مرستیال سرور دانش, د دولت لوړ پوړو چارواکو او د کابینې غړو, د ولسې جرګې استازو, جنرالانو, افسرانو او سرتیرو, ګډون درلود.

د ملي اردو د یو شهید مور "حمیدې" په دې غونډه کې د خلکو د دفاع په لار کې د خپل قرباني شوي ځوي په اړه وویل: ویاړي چې ځوي یې د هېواد او خلکو د ساتنې په لار قرباني ورکړه او چمتو دي چې خپل نور اولادونه هم ملي اردو ته واستوي تر څو د هېواد د دښمنانو پر وړاندې مبارزه وکړي.

همدا راز د ملي اردو یو افسر جګړن "شاه زمان" چې خپله یوه پښه یې تروریزم سره د مبارزې په لاره کې د لاسه ورکړې په خپلو خبرو کې وویل: ځامن مې تشویق کړي دي چې د ښوونځي څخه تر فراغت وروسته د خپل پلار لاره تعقیب کړي, ملي اردو لیکو ته راشي او د هېواد د خلکو ساتنه وکړي.

ولسمشر غني په خپلو خبرو کې د دفاعي او امنیتي ځواکونو له سرښندنو سایینه او قدردانی وکړ او ټینګار یې وکړ چې د هېواد سرتیري په لوړه روحیه او کلک هوډ د افغانستان د دښمنانو پر وړاندې جنګیږي او زموږ درې رنګه بیرغ یې د هېواد په ګوټ ګوټ رپانده ساتلی دی.

همدا راز ولسمشر زیاته کړه: د جنګ په ډګر کې د دفاعي او امنیتي ځواکونو میړانو او سرښندنو, افغانستان پیاوړی او محکم ساتلی دی. تاسې د نظام ځواکمنې ستنې یاست له دې کبله تاسې په نویو وسلو او تجهیزاتو سمبالول د دولت د برنامو په لومړیتوبونو کې ځای لرﺉ.

ولسمشر غني ملي دفاعي او امنیتي ځواکونو ته کب د نهمې د مبارکۍ تر څنګ وویل: دا ورځ ټول افغانان د هېواد په ګوټ ګوټ په ډیر ویاړ سره لمانځي.

د ملي دفاع لومړي مرستیال شاه محمود میاخیل او سرپرست ملي دفاعي او امنیتي ځواکونو ته د سرتیري د ملي ورځې مبارکي وویله او هغه ټول اتلان چې د هېواد په بیلابیلو نقطو کې د دفاع په سپیڅلو دندو بوخت دي وویل: د دفاعي او امنیتي ځواکونو له پاره سږنی کال تر ټولو کلونو سخت کال وو, له یوې خوا د کرونا ویروس فشار, د سولې خبرې او له بلې خوا د طالبانو له لوري د امتیازاتو اخيستلو له پاره د جنګ فشار ډیریدل؛ اما په ټولو ستونزو بریالي کیدل د دې هېواد د زړورو بچیانو د کلک هوډ او قوي ارادې ښودونکی دی.

د ملي دفاع لومړي مرستیال د ولسمشر د ځانګړې پاملرنې مننه وکړه او ډاډ یې ورکړ چې دا ځواکونه به د افغانانو څخه په هر ډول شرايطو کې ساتنه کوي.

وروستي خبرونه

جمعه ۱۴۰۰/۱/۲۰ - ۱۷:۴۳
Background image

مراسم فراغت ۲۹۲ تن از افسران جوان به شمول ۲۳ تن طبقه اناث از پوهنتون دفاعی مارشال فهیم

۲۹۲ تن از افسران جوان بشمول ۲۳ تن طبقه اناث، پس از یک سال تعلیمات پیشرفته و مسلکی از ۱۸مین دور فراغت اکادمی ملی "سنهارس" پوهنتون دفاعی مارشال فهیم فارغ شدند...

چهارشنبه ۱۴۰۰/۱/۱۸ - ۱۵:۲۰
Background image

د ۲۰۱ سیلاب قول اردو څخه د سيمه ايزې اردو ۴۸۱ تنه سرتيري فارغ شول

د ۲۰۱ سیلاب قول اردو ښوونیز مرکز څخه د ملي اردو ۴۸۱ تنه سېمه ایز سرتيري د اته اونیو بنسټیزو پوځي زده کړو وروسته، فارغ شول...

چهارشنبه ۱۴۰۰/۱/۱۸ - ۱۴:۴۴
Background image

۲۱۷ پامیر قول اردو ښوونیز مرکز څخه تازه دمي سرتیري فارغ شول

۲۱۷ پامیر قول اردو ښوونیز مرکز څخه د ملي اردو ۳۰۰ تازه دمي سرتیري د یو لړ بنسټیزو پوځي زده کړو وروسته نن فارغ شول...

بېرته خبرونه ته