دملي دفاع سرپرست وزیر په کابل کې د ایران اسلامي جمهوریت له سفیر سره وکتل
د ملي دفاع سرپرست وزیر اسدالله ( خالد) نن له غرمي مخکي د محمد رضا ( بهرامي) په کابل کې د ایران له سفیر سره د خپل کار په دفتر کې وکتل.
په دي لیدنه کې دواړو لورو په امنیتي او په افغانستان کې د تروریزم پر ضد مبارزه باندي هر اړخیزي خبرې اترې وکړي.
دملي دفاع سرپرست وزیر د تروریزم پرضد دمبارزي په اړه وویل (تروریزم د انسانیت دشمن دی او افغان امنیتي او دفاعي ځواکونه د خپلو وینو په قربانیو سره ددي ډلې پرضد جنګیږي) نوموړي د ګاونډیو هیوادونو څخه وغوښتل تر څو په دي مبارزه کې د افغانستان له دولت سره همکاري وکړي.
په مقابل کې دایران د اسلامي جمهوریت سفیر وویل هیواد یې د تروریزم سره مبارزه کې له افغانستان سره همکاریو ته ژمن دی.
