د هيواد وسله وال پوځ لوی درستیز په شمال ختیځ زون کې د ۲۱۷ عمري قول اردو او اوومې سرحدي لوا څخه لیدنه وکړه
د وسله وال پوځ لوی درستیز حافظ محمد فصیح الدین "فطرت" د هیواد په شمال او شمال ختیځ کې د ملي اسلامي اردو د ځواکونو له قطعاتو څخه د کتنې په دوام؛ کندز ولایت ته د خپل سفر په ترڅ کې د ۲۱۷ عمري قول اردو مرکزي قوماندانۍ ،اوومې سرحدي لواء او د دغه ولایت شیرخان بندر کې د افغانستان او تاجکستان پولې څخه لیدنه وکړه.
په دې کتنه کې لوی درستیز د ملي اسلامي اردو د منسوبينو کارونه او فعاليتونه و ارزول او د هغوى وړانديزونه او ستونزې يې هم واورېدلې او دوی سره یې د حل کولو ژمنه وکړه.
له بلې خوا د وسله وال پوځ لوی درستیز د ملي اسلامي اردو د قطعاتو او جزوتامونو د بشپړ ملاتړ او حمایې ډاډ ورکړ او د حل په موخه یې لازمې لارښوونې وکړې.
همداراز ستردرستیز له مجاهدینو وغوښتل چې د خپلو هیوادوالو د هوساینې او سکون لپاره لا زیات زیار او کوښښ وکړي.
