د مسلحو قواوو لوی درستیز د قول اردوگانو او قطعاتو له ویاندویانو سره ولیدل
نن د مسلحو قواوو لوی درستیز قاري فصیح الدین "فطرت" د ملي دفاع وزارت د ساحوي قول اردوګانو او قطعاتو له ویاندویانو سره د جګریزو ګډو زدکړو قوماندانۍ د عامه خدماتو په مکتب کې ولیدل.
همدا راز د مسلحو قواوو لوی درستیز قاري فصیح الدین "فطرت" د یاد مکتب له کتابخانې څخه هم کتنه وکړه او ویاندویانو ته یې په خبرو کې وویل چې خپل کارونه په پوره اخلاص او صداقت سره اجراء کړئ او هیڅکله د چا د تبلیغاتو تر اثر لاندې را نشئ.
په پای کې لوی درستیز د نوموړو ویاندویانو ستونزې او مشکلات واورېدل او هغوی ته یې د حل کولو ډاډ ورکړ.
