د ملي دفاع وزارت سرپرست په کابل کې د بریتانیا له سفیر سره وکتل
نن له غرمې وروسته, د ملي دفاع سرپرست وزیر ستر جنرال بسم الله "محمدي" د انګلستان له سفیر "سر لاوري بریستو" سره په کابل کې د خپل کار په دفتر کې وکتل.
په دې لیدنه کې, د سولې پروسې او د انګلستان هېواد د رول په تړاو ګټورې خبرې وشوې.
د ملي دفاع وزارت سرپرست وزیر د دفاعي او امنیتي ځواکونو او د افغانستان خلکو سره د انګلستان دولت له مرستو او همکاریو مننه وکړه او د دواړو هېوادونو د اړیکو په لا پياوړتیا یې ټينګار وکړ.
همدا راز د انګلستان سفیر د افغانستان خلکو سره په بیلابیلو برخو کې د خپلو دوامداره مرستو او همکاریو ډاډ ورکړ.
