د میدان وردګو ولایت په جغتو ولسوالۍ کې د یوې نظامي هلیکوپترې د سقوط په تړاو د ملي دفاع وزارت اعلامیه
تیره شپه د میدان ورګو ولایت په "جغتو" ولسوالۍ کې د هېواد د هوایي ځواک یوه MI 17 ډوله هلیکوپتره د تخنیکي او فني ستونزو له کبله سقوط شوې ده.
په خواشینۍ سره ددغې هلیکوپترې د سقوط په پایله کې د پرواز ۳ تنه عمله شهیدان شوي دي او یو تن بل ټپي شوی دی چې ټپي د درملنې په موخه مرکز ته انتقال شوی دی.
د ملي دفاع وزارت مشرتابه، ددغې پیښې په تړاو په ژورې خواشینۍ سره د الله پاک له درباره د شهیدانو لپاره جنت الفردوس او د ټپي لپاره د عاجلې روغتیا هیله کوي.