زابل کې ۶ طالبان ووژل شول
تېره ورځ دفاعي او امنیتي ځواکونو د زابل ولايت مرکز قلات او شمولزو ولسوالۍ اړوندو سېمو کې طالب ترهګر په نښه کړل.
چې په پايله کې ۶ طالبان ووژل شول، د دښمن ۱ موټر سایکل او ۱ آیکم مخابره د افغان ځواکونو لاسته ورغلي.
همدا راز طالب ترهګرو د یاد ولایت مرکز قلات اړوند ملکي او پوځي کسانو ته د مرګ ژوبلې اړولو په موخه ۳ کړۍ ماینونه ځای پر ځای کړي وو، د ملي اردو ځواکونو له خوا کشف او شنډ شول.