د ملي اردو د معظمو شهیدانو د اسنادو د بشپړولو پروسې چې څو میاشتې وخت يې نیوه، ۲۶ کاري ورځو ته را ټیټه شوه
د ملي دفاع وزارت ویاند روح الله “احمدزي” د خبري کنفرانس په ترڅ کې ددغه مطلب په څرګندولو سره وویل:"د اتلو دفاعي او امنیتي ځواکونو د شهیدانو وارثینو او کورنیو ته د لا ښې رسیدنې په موخه، د ملي دفاع وزارت رهبري خپله ټوله هڅه او کوښښ کوي، تر څو د تېر په څیر د شهیدانو وارثین د خپلو اسنادو د بشپړولو په خاطر په میاشتو وخت و نه نیسي، او د اسنادو دغه پړاو ۲۶ کاري ورځو ته را ټیټه شوه."
- په موقع سره د محاربې له ډګره د شهید سردار محمد داوود خان روغتون ته د ملي اردو د معظمو شهیدانو لېږد
- په ځانګړو مراسمو د ملي اردو د معظمو شهیدانو تکفین او تجهیز او د شهید محترمې کورنۍ ته د اکرامیې سپارل
- د هوايي او ځمکني ټرانسپورټ له لارې مسکوني ولایت ته د معظمو شهیدانو لیږدول
- د اپس سیسټم له طریقه د اسنادو ترتیبول
- له مربوطه قطعې څخه د ملي دفاع وزارت د پیژنتون ریاست ته د ملی اردو د معظمو شهیدانو د اسنادو ترتیب او لېږد
- د ملي دفاع وزارت د پیژنتون ریاست له لوري د افسرانو او بریدملانو د ذاتي قانون پر بنسټ له امتیازاتو سره د یوې رتبې فوق العاده ترفع امر ترتیبول
- په محاکمو کې د شهیدانو د ورثې له لوري د وثیقه خط او وکالت خط ترتیبول او د ملي دفاع وزارت د پیژنتون ریاست ته د ورثې د وکیل معرفي کول
- د بانکي حساب له افتتاح وروسته د شهیدانو او معلولینو په چارو کې د دولت محترم وزارت ته د شهید د محترمې ورثې د بشپړ شهرت او اسنادو استول
- د دفاعي او امنیتي ځواکونو د شهیدانو، ټپیانو او معلولینو وارثینو کورنیو له پاره په ملي دفاع وزارت کې د شکایت اوریدلو د (۱۹۶) شمېرې ایجادول.
د دفاعي او امنیتي ځواکونو ټپیانو او معلولینو ته د رسیدنې او د دوې د اسنادو په بشپړلو کې د لیدلو وړ تغییرات راغلي دي.
د ملي اردو د اتلو منسوبینو شهیدانو د کورنیو وارثینو، ټپیانو او معلولینو د ملي دفاع وزارت د مشرتابه د پاملرنې په لومړیتوب کې دي، له دې امله، د شهیدانو د وارثینو د حقونو او قانوني امتیازاتو د اسنادو طی مراحلو اسانه کولو له پاره اغیزمن او موثر اقدامات په نظر کې نیول شوي دي، تر څو د دفاعي او امنیتي ځواکونو د اسنادو په بشپړولو کې د شهیدانو، ټپیانو او معلولینو د کورنیو او وارثینو له سرګردانۍ او وخت له ضایع کیدلو مخنیوی وشي.
