د ناټو سازمان غړیو هېوادونو یو ځل بیا له افغان امنیتي او دفاعي ځواکونو د ملاتړ او همکاریو د دوام ژمنه وکړه
د ناټو د غړیو هېوادونو د دفاع وزیرانو د ناستې پر دویمه ورځ د افغانستان په اړه بحث او خبرې اترې وشوې.
په دې ناسته کې د ناټو سر منشي "ینس سټولټنبرګ" د امنیتي او دفاعي ځواکونو او د ملي دفاع د سرپرست وزیر “اسدالله خالد” هڅې وستایلې.
د ناټو سرمنشي وویل، وروستیو ۵ کلونو کې تر ټولو زیاتې سیمې په ۲۰۱۹ میلادي کال کې د طالبانو له ولکې بهر او پاکې شوې دي.
د ناټو د غړیو هېوادونو د دفاع وزیرانو د ناستې په پای کې یو ځل بیا په قاطعیت سره ژمنه وشوه، چې له افغان امنیتي او دفاعي ځواکونو سره به مالي او نظامي مرستو ته دوام ورکړل شي.
