د حضرت سعد ابن ابي وقاص (رض) د حربي ښوونځي قوماندانۍ د ۱۴۰۴ ښوونيز کال لسم ټولګي ته د پوهنې وزارت د نهمو ټولګیو فارغان او د دیني رسمي مدرسو د نهمو ټولګیو معادل زده کوونکي په لاندې شرايطو مني:

د نوم لیکنې شرایط:

۱-: د پوهنې وزارت د ښوونځيو د نهمو ټولګيو هغه زده کونکي چې کلنۍ آزموینه یې په بریالیتوب سره سرته رسولي وي او د آزمویني تصديق له ځان سره ولري.

۲-: د ديني رسمي مدرسو د نهم ټولگي معادل هغه زده کوونکي چې سند یې د اړونده ولایت د پوهنې ریاست لخوا تائید شوی وي او د لیک لوست بشپړه وړتيا ولري.

۳-: د داوطلبانو عمر له ( ۱۶ تر ۱۸ ) کالو پورې وي ، د تابیعت اصلي پېژند پاڼه ولري ، د بشپړې روغتیا خاوند، مجرد وي ، په نشه یي توکو روږدی او په جنایي جرمونو تورن نه وي ، ډسپلين مننونکی او د افغانستان اسلامي امارت او د حربي ښوونځي ټول قوانين په ځان پلي كړي.

یادونه: داوطلبان کولای شي چې له څلور قطعي عکسونو ، د تابعت اصلي پېژند پاڼې سره د روان کال د کب میاشتې تر ( ۱۰ مې) نیټې پورې د نوم ليکنې لپاره د خپلو اړونده ولايتونو د جلب او جذب كميساريو ته ورشي.

د لا زیاتو مالوماتو لپاره د لاندې شمېرو سره اړیکه ونیسئ او یا د ملی دفاع وزارت ویب پاڼې ته مراجعه وکړئ. ۰۲۰۲۶۴۸۰۸۱ ۰۲۰۲۶۴۸۰۸۳