د ملي دفاع وزارت سرمفتش د معلولینو او فلجیانو له مرکز څخه لیدنه وکړه
د ملي دفاع وزارت رهبري په هدایت د یاد وزارت سر مفتش مفتي لطیف الله "حکیمي" په داسې حال کې چې د ستر درستیز د روغتیایي چارو قومندانۍ هیئت رهبري یې ملتیا کوله د انګرېزي ښکیلاک څخه د خپلواکۍ ۱۰۵ کلیزې په مناسبت د ۴۰۰ بستریز روغتون اړوند د ضمیموي نمبر ۲ شفاخانې د معلولینو او فلج شویو معلولینو سره وکتل.
په دې لیدنه کې یې د یادو معلولینو ستونزې او وړاندیزونه واورېدل او د هغو حل په موخه یې د پوره همکارۍ ژمنې ترڅنګ نغدي مرسته هم وکړه.
همدا راز د ملي دفاع وزارت سر مفتش مفتي لطیف الله "حکیمي" د شهید سردار محمد داود خان په روغتون کې له ناروغانو سره د لیدنې پرمهال هم نغدي مرسته وکړه.