د هیواد په شمال کې د وروستیو سېلابونو راوتلو په اړه د وسلوال پوځ لوی درستیز د تسلیت پیغام!
په ډیر تأسف سره خبر شولو چې تیره جمعه د هیواد په شمال بغلان، غور، تخار، بدخشان او هرات ولایتونو کې د وروستیو سېلابونو راوتلو له امله زموږ ګڼ شمېر هیوادوال شهیدان، ټپیان او بې کوره شوي دي او خپل شیرین ځانونه یې له لاسه ورکړي دي د وسلوال پوځ لوی درستیز رهبري د دوی کورنیو ته د غم شریکی او تسلیت مراتب وړاندې کوي او د لوی خدای ج له دربار څخه د دغې حادثې شهیدانو ته فردوس جنت ټپیانو ته عاجله شفاء غوښتکې دی.
د وسلوال پوځ لوی درستیز الحاج قاري محمد فصیح الدین "فطرت" د طبعي پیښو سره د مبارزې په وړاندې بنسټونو، ملي سوداګرو، د ملي اسلامي اردو په زړورو ځواکونو او د افغانستان په دینداره ولس غږ کوي چې د ضرر لیدونکې سیمې او له خپلو متضررو هیوادوالو سره چې هر څومره کیږي عاجلې خپلې مرستې وکړی او د هر ډول کوشش دریغ ونه کړي.
