په ٢٠۵ البدر قول اردو کې ٣٠٠ ويجاړ شوي وسايط ورغول شول
د البدر قول اردو د ابو دجانه لوا د تخنیکي ټیم له خوا څه باندې (۳۰۰) نظامي وسایط چې ویجاړ شوي او د کارونې وړ نه وو، بیرته ورغول شول او کارونې ته چمتو شول.
په ترمیم شویو وسایطو کې ۱۵۰ انټرنیشنل کاماز موټر، ۱۲۵ هاموي شوبلې، ۲ ضربتي ټانکونه، ۴ اکمالاتي ټېلرونه، ۱۰ غټ او کوچني پور کلیف موټرونه او ۱۵ هاموي امبولانسونه شامل دي.
د يادونې وړ ده، چې د ملي دفاع وزارت د انجنيرۍ او تخنيکي ټيمونو تر هلو ځلو سلګونه نور وسايط هم د بيرته فعالېدو په موخه د کار لاندي دي.