د ملي دفاع سرپرست وزیر ستر جنرال بسم الله "محمدي" مېدان وردګو ولایت ته په خپل سفر کې د دفاعي او امنیتي ځواکونو له هڅو او سرښندنو قدردانی او ستاینه وکړه
نن سهار, د ملي دفاع سرپرست وزیر بسم الله "محمدي" او د کورنیو چارو ارشد معین ستر جنرال عبدالرحمن "رحمان" مېدان وردګو ولایت ته ولاړل, د یاد ولایت له والي او امنیتي لوړ پوړو چارواکو سره یې په لیدنه کې د امنیتي وضعیت ارزونه وکړه.
د ملي دفاع سرپرست وزیر سرتیرو سره له نږدې خبرې وکړې او ټينګار یې وکړ چې ترهګرو سره د مبارزې په ډګر کې به سرتیرو ستونزو ته رسیدنه د ملي دفاع وزارت له لومړیتوبونو وي او په دغه برخه کې به د ټولو شته امکاناتو څخه ګټه واخیستل شي.
ستر جنرال بسم الله "محمدي", د خلکو مال او ځان ساتنې په لار کې د دفاعي او امنیتي ځواکونو سرښندنو څخه قدردانی وکړ او ټنګار یې وکړ چې تاسې په خپلو وینو د افغانستان ساتنه کوﺉ او خلک به هېڅکله ستاسو دا قرباني هیره نه کړي او موږ ټول ستاسو د دغه سرښندنو شاهدان یو.
همدا راز ستر جنرال بسم الله محمدي طالبانو ته اخطار ورکړ, چې د جنګ او وېنې تویونې له لارې به هېڅکله خپلو ناوړه موخو ته ونه رسیږﺉ, چې بیا ځلې به خپل نامشروع رژیم زموږ په هېوادوالو تحمیل کړﺉ.
