د مارشال "فهیم" پوځي اکاډمۍ محصلینو عملي تطبیقات په بریالیتوب پایته ورسید
د مارشال "فهیم" پوځي اکاډمۍ څه باندې ۱۸۰۰ محصلینو د اور لرونکو تطبیقاتو په برنامه کې په ګډون سره، د جنګ عملي برنامه یې په نظري توګه وکتله او د خپل مور-هېواد د ساتنې لپاره یې د هر اړخیز چمتوالی اعلام وکړ.
د ملي دفاع وزارت د ښوونې او روزنې عمومي قوماندان ډګر جنرال پاینده محمد "ناظم" له هېواد څخه د دفاع په موخه د جګړې ډګرونو ته د ورتګ لپاره د ملي پوځي اکاډمۍ د زده کړیالانو له لیوالتیا خوښي څرګنده کړه او وې ویل: تاسې اتلان یاست چې پوځي او مسلکي زده کړې کوﺉ او دا د جنګ په ډګر کې پلي کوﺉ؛ تاسې د خپل دین او هېواد پالنه کوﺉ.
هر کال د ملي دفاع وزارت تعلیمي او تحصیلي بنسټونو سلګونه زده کړیالان د پر مختللي فنونو د زده کړې وروسته د خپل هېواد او خلکو د ساتنې په موخه د ملي اردو قطعاتو او جزوتامونو ته استول کیږي.
