د ۲۰۳ تندر قول اردو تازه قوماندان په رسمي توګه خپل دنده پېل کړه
نن د ۲۰۳ تندر قول اردو قوماندان تورنجنرال مولانا جلال الدین"یفتلي" د ځانګړو مراسمو په ترڅ کې د ملي دفاع وزارت د وسله وال پوځ لوی درستيز لومړي مرستیال ډګرجنرال اقبال علي"نادري" او د ملي دفاع وزارت د يو شمېر لوړ افسرانو په ملتيا معرفي شو او رسماً يې خپله دنده پيل کړه.
دغو مراسمو کې د وسله وال پوځ لوی درستیز لومړي مرستیال د پخواني قوماندان کړنې او ميړانه وستايله:" وویل چې په نظام کې تغير او تبديل يو اصل دی، تغيرات راوستل د ښه توب په لور ګامونه اوچتول دي، د قوانینو تطبیق د اصلاحاتو راوستل او د ښه خدمت کولو لامل ګرځي.
همداراز د ۲۰۳ تندر قول اردو نوي قوماندان تورنجنرال جلال الدین بلخي د د ولسمشر او د وسله وال پوځ اعلی سر قوماندان، د ملي دفاع وزارت او ستردرستيز څخه د مننې او باور ترڅنګ ژمنه او ډاډ ورکړ؛ د افغانستان درې رنګه بېرغ په پوره صداقت او ایمان دارۍ سره ساتنه دښه اصلاحاتو رامنځته کولو او هر ډول فداکارۍ ته چتمو یم.
نوموړي زیاته کړه چې د خدای"ج" په مرسته او د خپلو ولسونو ملاتړ زموږ سره دی، په پوره باور سره مو د هېواد په ګوټ ګوټ کې دښمن ته ماتې ورکړې او دښمن پخپلو شومو موخو کې ناکام دی.
