کندهار کې ۱۸ طالبان ووژل شول او موټر بم برید یې ناکامه شو
تېره ورځ دفاعي او امنیتي ځواکونو د هوايي قواوو په ملاتړ د کندهار ولایت ارغنداب ولسوالۍ " جلاور" او "تابین" اړوندو کلیو کې عملیات تر سره کړل.
د دغو عملیاتو په پایله کې ۱۸ طالبان ووژل شول، د دشمن ۱ موټر سایکل، یوه اندازه وسلې او مهمات له منځه یوړل شول او ۱۳ کړۍ ماینونه کشف او شنډ شول.
همدا راز یادې ولسوالۍ کې ملي اردو ځواکونو د طالب ترهګرو یو موټر بم هدف ته تر رسیدو مخکي مخه ونیوله او د لسګونه هېوادوالو ژوند وژغورل شو.