په هرات ولایت کې اړمنو کورنیو سره د ملي اردو بشردوستانه مرسته

د ۲۰۷ ظفر قول اردو قوماندانۍ اړوندو ځواکونو په هرات ولایت کُهسان ولسوالۍ کې د ۵۲ اړمنو کورنیو سره د خوراکي توکو مرسته وکړه.

دغو اړمنو کورنیو سره۲۱۳۲ کیلو ګرامه ارتزاقي مواد، چې هغه کې وریجې،غوړي، بوره او  چای مرسته وشوه، په بیلابیلو کڅوړو کې مستحقو کورنیو ته د ملي اردو منسوبینو له لوري ورکړل شول. 

یادې ولسوالۍ اوسیدونکو  دفاعي او امنیتي ځواکونو په ځانګړې توګه  د ملي اردو ځواکونو د کړنو او همکاریو قدرداني وکړه او خپل ملاتړ یې دفاعي او امنیتي ځواکونو څخه اعلان کړل.

افغان دفاعي او امنیتي ملي ځواکونه ترهګرو سره د مبارزې په څنګ کې، هېوادوالو ته د بشردوستانه مرستو زمینه هم برابروي او د خلکو سره مرسته کوي.