۲۶۷ زده‌کړیالان د لوړو پوځي زده کړو ترسره کولو وروسته د مارشال فهیم پوځي پوهنتون د ځوانو افسرانو له اکاډمۍ څخه فارغ شول

s.mohmand
پنجشنبه ۱۳۹۹/۶/۲۰ - ۱۹:۱۳
۲۶۷ زده‌کړیالان د لوړو پوځي زده کړو ترسره کولو وروسته د مارشال فهیم پوځي پوهنتون د ځوانو افسرانو له اکاډمۍ څخه فارغ شول

د دغو افسرانو د فراغت مراسم د ولسمشر محمداشرف غني، د ملي امنیت سلاکار حمدالله محب، د ملي دفاع وزارت سرپرست سترجنرال اسدالله خالد او د ملي دفاع وزارت جنرالانو او افسرانو په حضور کې ترسره شول.

د افغانستان د اسلامي جمهوریت جمهور رییس وویل:"د ویاړ ځای دی چې د ځوانو افسرانو د ۱۷مې دورې فراغت شاهد یوو او تاسو د هیواد د ريښتینو او صادقو بچیانو په توګه د سرښندنې، خپلواکۍ، نظام او ځمکنۍ بشپړتیا ساتندوی یاست.

امنیتي او دفاعي ځواکونه د خلکو په زړونو کې ځای لري او د ملي یووالي او ټولیز هوډ د ممثلینو په توګه پېژندل کېږئ."

ولسمشر محمد اشرف غني د ملي پوځ افسرانو د روزنې په برخه کې د ملي دفاع وزارت سرپرست سترجنرال اسدالله خالد د هڅو ستاینه وکړه.

ولسمشر د افغانانو د امنیت خوندیتوب او له ترهګرۍ سره د مبارزې په برخه کې د امنیتي او دفاعي ځواکونو لاسته راوړنې وستایلې او له هغو څخه یې په نېکۍ یادونه وکړه.

همداراز د غوڅ ملاتړ مرستیال ډګرجنرال «هیل» د دغو افسرانو فراغت د افغانستان لپاره یوه ستره لاسته راوړنه وبلله.

د ۷ کلنو په لړ کې د مارشال فهیم پوهنتون د ځوانو افسرانو اکاډمۍ څخه د ۳۰۰ ښځو په ګډون ۵۲۴۳ تنه فارغ شوي دي.

دغه افسران تر ویاړلي فراغت وروسته دافغانستان له ځمکنۍ بشپړتیا دفاع کوي او په خپلو هڅو سره دهیواد او سولې دښمنانو ته غاښ ماتوونکی ځواب ورکوي.

وروستي خبرونه

پنجشنبه ۱۳۹۹/۷/۳ - ۱۴:۴۱
Background image

د هرات په سل بستریز سیمه ایز روغتون کې د دفاعي او امنيتي ملي ځواکونو له ټپیانو د ملي دفاع وزارت د لومړي مرستیال لیدنه او عیادت

د ملي دفاع وزارت لومړي مرستیال شاه محمود میاخیل د هرات ولایت د سل بستریز په سیمه ایز روغتون...

چهارشنبه ۱۳۹۹/۷/۲ - ۲۱:۲۸
Background image

د وسلوال پوځ لوى درستيز سترجنرال محمد ياسين ضيآ کندهار ولايت ته ولاړ

د وسلوال پوځ لوي درستیز ستر جنرال محمد یاسین ضیا, د کورنیو چارو سرپرست وزیر جنرال مسعود اندرابي او د غوڅ ملاتړ عمومي قوماندان جنرال میلر...

چهارشنبه ۱۳۹۹/۷/۲ - ۱۱:۳
Background image

هرات ولایت ته د ملي دفاع وزارت د لومړي مرستیال شاه محمود میاخیل سفر

د ملي دفاع وزارت لومړی مرستیال شاه محمود میاخیل د هېواد د لویدیځ زون د امنیتي وضعیت د ارزونې په موخه...

بېرته خبرونه ته