په یوه شپه او ورځ کې د ۲۰۰ بالونو په ظرفیت د آکسیجن د تولید ماشین ګټې اخيستنې ته وړاندې شو
د شهید سردار محمد داوود خان په روغتون کې ددغه ماشین په افتتاح سره، د ملي دفاع وزارت په روغتونو او کلینیکونو کې د آکسيجن کمښت تر ډېره کچه راکميږي او د کرونا په ناوړه شرایطو او جنګي حالاتو کې د دفاعي او امنیتي ځواکونو ټپیان او ناروغان به د آکسیجن د کمښت له ستونزې سره مخ نشي.
د ملي دفاع وزارت لومړي مرستیال شاه محمود میاخیل وویل: د ملي دفاع وزارت رهبري په پرمختللو وسایلو د اردو د صحي برخې تجهیزول او دفاعي او امنیتي اتلو ځواکونو ته د معیاري روغتيايي خدماتو د وړاندې کېدو په موخه له پخوا لا ډېر ژمن دى.
