په کابل کې د ډګر جنرال محمد جمعه "اڅک" جنازې مراسم د وسلوال پوځ لوي درستیز په شتون کې تر سره شوه
د ملي دفاع وزارت د لوی درستیز د پخواني مرستیال او د هېواد د پوځي کدرونو څخه یو تن کدر ډګر جنرال محمد جمعه «اڅک» د جنازې مراسم د وسلوال پوځ لوی درستیز ډګر جنرال ولي محمد «احمدزي», جنرالانو, افسرانو، د مرحوم خپلوانو او خواخوږو په شتون کې نن د سردار محمد داود خان په روغتون کې تر سره شول.
ډګر جنرال محمد جمعه "اڅک" د هېواد یو له تجربه لرونکو پوځیانو څخه وو, چې د رهبرۍ په بیلابیلو بستونو کې په پوځي قطعاتو مختلفې دندې سرته رسولي دي.
مرحوم "اڅک" خپل قیمتي عمر د هېواد د امنیت ټينګښت په لاره کې د خپلو قدرمنو خلکو د هوساینې له پاره تېر کړی وو.
د مرحوم ډګرجنرال محمد جمعه "اوڅک" خدمتونه ، دندې او اتلولي به د افغانستان ملي اردو په تاریخ کې تلپاتي وي.
د ملي دفاع وزارت او لوی درستیز رهبري د ډګر جنرال محمد جمعه "اڅک" مړینه لویه ضایعه بولي, د مرحوم له پاره د پاک څښتن تعالی له درباره د فردوس جنت غوښتنه او وارثینو ته یې د صبر هیله کوي.
