په غزني ولایت کې د ترهګریز برید له ټپیانو سره د ملي دفاع وزارت سرپرست لیدنه
دملي دفاع وزارت سرپرست اسدالله خالد، د کورنیو چارو وزارت د امنیتي چارو لوی مرستیال جنرال خوشال سعادت، په افغانستان کې د ناټو ځواکونو لوی قوماندان جنرال سکاټ مېلر او په افغانستان کې د ناټو ملکي استازي نن د غزني خلکو سره د خواخوږۍ په موخه دغه ولایت ته سفر وکړ او په غزني کې یې د ترهګریز برید له ټپیانو سره ولېدل.
دغه راز د ملي دفاع وزارت سرپرست په دغه ولایت کې د روان امنیتي حالت، د عملیاتو د پرمختګ بهیر او پوځي ګامونو، د لویو لارو د امنیت خوندیتوب ارزونه له والي او امنيتي چارواکو سره وکړه او لازمې لارښوونې یې صادرې کړې.
