ملي دفاع وزارت لومړي مرستیال د سردار محمد داوود خان روغتون ټپيانو پوښتنه او اختر مبارکي وکړه
د ملي دفاع وزارت لومړي مرستیال ډاکټر نجیب الله "وردګ" د لوی درستیز له لومړي مرستیال ډګر جنرال اقبال علي "نادري", د ملي دفاع وزارت رییسانو او جنرالانو په ملتیا د کوچني اختر په لومړۍ ورځ د سردار محمد داوود خان روغتون کې د ملي اردو اتلو ټپيانو او ناروغانو پوښتنه او اختر مبارکي وکړه.
د ملي دفاع وزارت لومړي مرستیال د کوچني اختر د مبارکۍ ترڅنګ هغوې ته وویل:" تاسې زړور اتلان یاست, چې د جګړې ګرم سنګر مو د خلکو د دفاع, د هېواد د عزت او شرف ساتلو په لاره کې مو له خپلې وینې تویولو هم ډډه ونه کړه, د ملي دفاع وزارت او د افغانستان نجیب ولسونه به ستاسې سرښندنې هېڅکله هیرې نه کړي او ستاسې د یو یو په وجود به ویاړي".
همدا راز د ملي دفاع وزارت لومړي مرستیال د دفاعي او امنیتي ځواکونو د داخل بستر ناروغانو او ټپيانو په وخت د تداوۍ په تړاو مسولانو ته د لازمو لارښوونو او سپارښتنو ترڅنګ نقدي تخفې هم ورکړې.
