فاریاب کې د ملي دفاع وزارت سرپرست په شتون کې ۲۰۷ سیمه ییز تازه دمي سرتېري فارغ شول
فاریاب ولایت کې ۲۰۷ تازه دمي سرتيري د یو لړ بنسټیزو پوځي زده کړو وروسته نن فارغ شول.
دغو سرتیرو د فراغت په مراسمو کې د وسله وال پوځ لوی درستیز او دملي دفاع وزارت سرپرست ستر جنرال محمد یاسین " ضیا" امنیتي مسولینو افسرانو، برید ملانو او سرتیرو ګډون درلود.
دغو مراسمو کې ستر جنرال یاسن ضیا د ملي اردو په لیکو کې د ځوانانو راتګ څخه مننه او هرکلی وکړ او زیاته یې کړه چې د ترهګرو پروړاندې ستاسو مبارزه، د سرښندنو او اتلولیو له کبله د افغانستان خلک منندوی او ویاړ کوي.
ملي دفاع وزارت سرپرست وویل: سرتېري ته پاملرنه د ملي دفاع وزارت رهبري د لومړیتوبونو څخه دی او په دې برخه کې هېڅ ډول سهل انګاري او بې غوري دمنلو وړ نه ده.
دغو تازه فارغ شویو ځواکونو ډاډ ورکړ چې په هېواد کې به پوره ځواک او توان سره هڅه وکړي او هېڅ چاته به اجازه ورنکړي چې هېوادوالو ته زیان ورسوي.
