د ۲۱۷ پامیر قول اردو له ښوونیز مرکز څخه ۲۲۹ سرتیري فارغ شول
د ۲۱۷ پامیر قول اردو له ښوونیز مرکز څخه د ملي اردو ۲۲۹ تنه سرتیري د یو لړ بنسټیزو پوځي زده کړو وروسته فارغ شول.
دغو مراسمو کې، د یادې قول اردو د ارکان رییس ډګروال عبدالاحد "جاهد"، افسرانو، برید ملانو او سرتیرو، ګډون درلود.
د قول اردو رییس ارکان سرتیرو ته د فراغت مبارکۍ ترڅنګ وویل:« خپله پوځي پوهه د خپلو نورو ملګرو په څنګ کې په میړانه او زړورتیا وکاروئ».
همدا راز تازه فارغ شویو سرتیرو وویل، موږ د هېواد او خلکو ساتلو ته ژمن یو او د دوې د دفاع په لاره کې به د هېڅ ډول کوښښ څخه ډډه ونه کړو.
