د وسلوال پوځ لوی درستیز کندهار کې دفاعي او امنیتي ځواکونو د ټپیانو پوښتنه وکړه
د وسلوال پوځ لوی درستیز ستر جنرال محمد یاسین "ضیا" نن د کندهار ولایت ساحوي پوځي روغتون ته ورغی او هغوی ته یې ډاډګېرنه ورکړه، د فاعي او امنیتي ځواکونه چې د خلکو مال او ځان ساتنې برخه کې ټپیان شوي وو دهغوي قدرانۍ او د ټپيانو پوښتنه وکړه.
دفاعي او امنیتي ځواکونو ټپیانو د وسلوال پوځ لوی درستیزد ځانګړې پاملرنې څخه چې د سرتیرو پر وړاندې لري مننه وکړه او ډاډ یې ورکړ چې د د درملنې او روغتیا وروسته به بیا د ترهګرو پر وړاندې د جګړې ډګر ته ځي او د هیواد د دفاع په خاطر د ترهګرو پر وړاندې جنګیږي.
د وسلوال پوځ لوی درستیز ستر جنرال محمد یاسین ضیا د یاد روغتون مسوولانو ته لارښوونه وکړه چې د ټپیانو د درملنې په برخه کې له ټولو امکاناتو څخه استفاده وکړي.
