د وسلوال پوځ لوي درستیز د کندهار ولایت ژیړۍ ولسوالۍ ته ولاړ
د وسلوال پوځ لوي درستیز ستر جنرال محمد یاسین ضیا نن له غرمې مخکې د کندهار ولایت ژیړۍ ولسوالۍ ته د امنیتي وضعیت د ارزولو په موخه سفر وکړ.
د پوځ لوي درستیز له دفاعي او امنیتي قوماندانانو او په ځانګړې توګه د عام ولس او سیمې له خلکو مننه وکړه, چې د خپلو سیمو او کلیو څخه د دفاع او ساتنې په برخه کې نه ستړې کیدونکې هلې ځلې کړي.
د وسلوال پوځ لوي درستیز د یادې ولسوالې څخه د لیدنې پر مهال د شته امنیتي ستونزو د حل په برخه کې لازمې سپارښتنې وکړې او دوې ته یې د هر ډول ملاتړ ډاډ ور کړ.
