د وسله وال پوځ نوی لوی درستیز معرفي او رسما یې کار پيل کړ

s.mohmand
چهارشنبه ۱۴۰۰/۵/۲۰ - ۲۰:۲
د وسله وال پوځ نوی لوی درستیز معرفي او رسما یې کار پيل کړ

د ملي دفاع وزارت په وړاندیز او د جمهوري ریاست عالي مقام په منظورۍ ډګر جنرال هیبت الله "علیزی" د ځانګړو عملیاتو قول اردو قوماندان د وسله وال پوځ لوی درستیز ډګر جنرال ولي محمد "احمدزي" پر ځای د هېواد د وسله وال پوځ لوی درستیز په توګه او د ۲۱۵ میوند قول اردو قوماندان تورنجنرال سمیع "سادات" د ځانګړو عملیاتو قول اردو د قوماندان په توګه؛ نن د ځانګړو مراسمو په ترڅ کې د ملي امنیت سلاکار ډاکټر حمدالله "محب"، د ملي دفاع وزارت سرپرست وزیر ستر جنرال بسم الله "محمدي" او د وزارت او ستر درستیز د مرستیالانو، جنرالانو ريسانو او افسرانو په ګډون سره معرفي شول.

په دې مراسمو کې د ملي امنیت سلاکار ډاکټر حمدالله "محب" وویل: "طالبان د پراخو برېدونو په ترسره کولو غواړي دا هېواد تیارو ورځو ته یوسي؛ اما دفاعي او امنیتي ځواکونه به ترهګرو ته د دې کار اجازه ور نکړي."

د ملي دفاع سرپرست وزیر ستر جنرال بسم الله "محمدي" د وسله وال پوځ پخواني لوی درستیز ډګر جنرال ولي محمد "احمدزي" له کړنو ستاینه وکړه او زیاته یې کړه: "دښمن هیڅکله په خپلو شومو پلانونو سره د خلکو هوډ نه شي بدلولی."

له بلې خوا د وسله وال پوځ نوي لوی درستیز ډګر جنرال هیبت الله "علیزي" د دې مطلب په څرګندولو سره ټینګار وکړ: هغه امکانات او تجهیزات چې دفاعي او امنیتي ځواکونو په واک کې دي، هڅه به وشي تر څو په قطعاتو او د جنګ په ډګرونو کې مثبت بدلونونه راولو.

وروستي خبرونه

چهارشنبه ۱۴۰۰/۵/۲۰ - ۲۰:۲
Background image

د وسله وال پوځ نوی لوی درستیز معرفي او رسما یې کار پيل کړ

د ملي دفاع وزارت په وړاندیز او د جمهوري ریاست عالي مقام په منظورۍ ډګر جنرال هیبت الله "علیزی" د ځانګړو عملیاتو قول اردو قوماندان...

یکشنبه ۱۴۰۰/۵/۱۷ - ۱۹:۰
Background image

د کابل ګډ محاربوي ښوونیز مرکز څخه د ملي اردو ۲۶۰ منسوبین فارغ شول

نن د ملي اردو ځواکونو ۲۶۰ تنو افسرانو، برېدملانو او سرتیرو د یو لړ بنسټیزو پوځي زده کړو وروسته...

شنبه ۱۴۰۰/۵/۱۶ - ۱۵:۴
Background image

د وسله  وال پوځ لوی درستیز شهید سردار محمد داوود خان روغتون کې د دواخان مینه پال د جنازې  په مراسمو کې ګډون وکړ

نن مخکې له غرمې، شهید سردار محمد داوودخان په روغتون کې د حکومت د اطلاعاتو او رسنیو مرکز د رییس شهید دواخان مینه پال دجنازې مراسم د وسله وال پوځ لوی درستیز ډګر جنرال ولي محمد احمدزي،. . .

بېرته خبرونه ته