د وسله وال پوځ لوی درستیز او د ملي دفاع وزارت سرپرست د سفرونو په دوام نن هېواد شمال کندوز ولایت ته سفر وکړ
د وسله وال پوځ لوی درستیز او د ملي دفاع وزارت سرپرست ستر جنرال محمد یاسین "ضیا" نن کندوز ولایت ته د لا ښه امنیت د ټېنګښت او امنیتي وضعیت د ارزونې په موخه سفر وکړ.
د ملي دفاع وزارت د وسله وال پوځ لوی درستیز او سرپرست او ورسره پلاوو د کندوز ولایت امنیتي وضعیت له نږدې وڅېړل او د ښه امنیتي وضعیت برابرولو په موخه یې اړوند مسولینو ته هدایت ورکړل.
د وسله وال پوځ لوی درستیز د خلکو د ژوند او مال ساتنې په لار کې د دفاعي او امنیتي ځواکونو د اتلولیو او سرښندنو څخه قدرداني وکړه او زیاته یې کړه چې د تلپاتې سولې او ثبات لرونکي افغانستان ترلاسه کول د دفاعي او امنیتي ځواکونو په هڅو پورې اړه لري.