د هلمند ولایت په سنګین ولسوالۍ کې د ملي اردو ځواکونو ستاین
د ملي دفاع وزارت د ستردرستیز لومړی مرستیال ډګرجنرال اقبال علي "نادري" او د ۲۱۵ میوند قول اردو قوماندان ډګرجنرال ولي محمد "احمدزی" د دفاعي او امنیتي ملي ځواکونو د ستاینې په موخه د هلمند په شمال کې سنګین ولسوالۍ ته سفر وکړ او د ملي اردو زړورو ځواکونو د ستاینې تر څنګ ددغې سیمې امنیتي وضعیت وارزاوو.
د ستر درستیز لومړي مرستیال ډګرجنرال اقبال علي "نادري" زړورو سرتیرو ته د سرتیري د ورځې په مناسبت د مبارکۍ د وړاندې کېدو په خوا کې، د هېواد له جلالتمآب ولسمشر او د وسله وال پوځ اعلی سر قوماندان څخه يې نړۍ مننه وکړه، چې یاده ورځ يې د سرتیري په نوم ونوموله.
ډګرجنرال اقبال علي "نادري" د ملي دفاع وزارت په استازیتوب د خپلو خبرو په ترڅ کې د ۲۱۵ میوند قول اردو د پوځیانو سرښندني، هیوادنۍ مینه او د هلمند له دروند ولس څخه د ساتنې اوچته انګیزه او قوي مورال د ستاینې وړ وباله او تینګار یې وکړ چې ستاسو هلې ځلې ددې لامل شوې چې طالبان د سولې مذاکراتو ته کښیني.
یاد پلاوي په سنګین ولسوالۍ کې د ملي اردو یوشمیر سرتیري، بریدملان او افسران په فوق العاده رتبو، ستاینلیکونو او "۱۵"ورځنۍ بخششي معاشونو وستایل.
