د ملي دفاع وزیر د یونفورم اړوند د وروستي حکم د تطبیق په غونډه کې د ستر درستیز مرستیال کډون وکړ
د وسله وال پوځ ستر درستیز مرستیال حاجي مالي خان "صدیق" په داسې حال کې چې د ملي دفاع وزارت سرمفتش مفتي لطیف الله "حکیمي" یې هم ملتیا کوله، نن د ملي دفاع وزارت د حمايې او امنيت لوا په قوماندانۍ کې د یونفورم د اغوستلو په اړه د رهبرۍ د وروستي فرمان د تطبیق مراسمو کې په نظامي يونفورم سره ګډون وکړ .
د ستر درستیز مرستيال د اسلامي ملي اردو د نظامي يونيفورم په اغوستلو کې د مجاهدينو د اطاعت او فرمانبرداري قدرداني وکړه او د هر پوځي افسر لپاره يې د اسلامي پوځ د نظامي يونيفورم اغوستل ضروري وګڼل.
دا په داسې حال کې ده چې د ملي دفاع وزارت رهبري د یوه لیکلي فرمان له لارې د اسلامي پوځ د ټولو قطعاتو او جزوتامونو مجاهدینو ته امر کړئ چې په ادارو او د خپلو مسؤلیتونو په ځای کې د نظم د ټینګښت په موخه خپل نظامي یونیفورم واغوندي.
