د ملي دفاع وزارت سرپرست په افغانستان کې د دوست هېواد هندوستان له سفیر سره لیدنه وکړه
د ملي دفاع وزارت سرپرست ستر جنرال بسم الله"محمدي " په افغانستان کې د هندوستان هېواد له سفیر "روډرندرا تندن" سره د امنیتي مسایلو او سولې په تړاو، نن کابل کې د خپل کار په دفتر کې ولیدل.
د ملي دفاع وزارت سرپرست د هندوستان هېواد څخه د افغانستان خلکو سره په سختو شرایطو کې د همکاریو او د هېواد دفاعي او امنیتي ځواکونو کدرونو د ښوونې او مسلکيتوب په برخو کې د اسانتیاوو له برابرولو یې ترې مننه وکړه.
ښاغلي محمدي زیاته کړه: " افغانستان سره د هند مرستې په دې اساس وخت خورا ډېرې مهمې دي، ملي دفاع وزارت دغو مرستو څخه هرکلی او مننه وکړه.
همداراز په مقابل کې د هند هېواد سفیر د سولې پروسې او د افغانستان دفاعي او امنیتي ځواکونو ملاتړ ته اشاره وکړه؛ د افغانستان له حکومت او خلکو سره د همکارۍ پر دوام یې ټینګار وکړ او زیاته یې کړه چې تل به د افغانستان خلکو او حکومت ترڅنګ ولاړ وي.
همداراز هند نن ګڼ شمېر طبي درمل ملي اردو سره مرسته وکړه، دغه درمل دملي دفاع وزارت سرپرست ته ورکړل شول.
