د ملي دفاع وزارت سرپرست وزیر د اسلامي همکاریو سازمان له استازو سره وکتل

s.mohmand
چهارشنبه ۱۴۰۱/۸/۲۵ - ۲۲:۵۸
د ملي دفاع وزارت سرپرست وزیر د اسلامي همکاریو سازمان له استازو سره وکتل

تیره ورځ د ملي دفاع وزارت سرپرست مولوي محمد یعقوب «مجاهد» په افغانستان کې د اسلامي همکاریو سازمان د بشري او کلتوري چارو مرستیال طارق علي البخیت د دغه سازمان ځانګړي استازي محمد سعید «آل عیاش»، د یاد سازمان د دفتر عمومي مدیر او د دغه  سازمان سیاسي مرستیال یوسف الضبیعي سره په کابل کې وکتل.

د ملي دفاع وزارت سرپرست د اسلامي همکاریو له سازمان سره د ښو اړیکو پر پراختیا د ټینګار ترڅنګ وویل: موږ  د سرحداتو په کلکه ساتنه سره ټولې نړۍ ته پوره ډاډ ورکوو، چې د افغانستان خاوره به د نورو هېوادونو پر ضد هیڅکله ونه کارول شي.

همدا راز د اسلامي همکاریو سازمان په افغانستان کې د امنیت ټینګښت، د مخدره توکو کښت، قاچاق او د داعش سره په مبارزه کې د  اسلامي امارت له هڅو ستاینه او قدردانی وکړ.

په پای کې د ملي دفاع وزارت سرپرست په څرګنده توګه وویل، چې د افغانستان اسلامي امارت د دوحې تړون ته ژمن دی او د افغانستان څخه به نړۍ ته هيڅ ډول ګواښ نه پیښیږي.
 

وروستي خبرونه

دوشنبه ۱۴۰۱/۱۱/۳ - ۲۱:۷
Background image

د ملي دفاع وزارت لومړي مرستیال د ۳۱۳ مرکزي قول اردو له مسولینو سره ولیدل 

نن ورځ د ملي دفاع وزارت لومړي مرستیال آلحاج ملا محمد فاضل "مظلوم" د  ۳۱۳ مرکزی قول  اردو مشرتابه او اړوند لوا ګانو له مسولینو سره ولیدل.

په دغه لیدنه کې د ملي د فاع وزارت لومړي مرستیال. . .

دوشنبه ۱۴۰۱/۱۱/۳ - ۱۹:۲۲
Background image

د مسلحو قواوو لوی درستیز د قول اردوگانو او قطعاتو له ویاندویانو سره ولیدل

نن د مسلحو قواوو لوی درستیز قاري فصیح الدین "فطرت" د ملي دفاع وزارت د ساحوي قول اردوګانو او قطعاتو له ویاندویانو سره د جګریزو ګډو زدکړو قوماندانۍ د عامه خدماتو په مکتب کې ولیدل.

همدا. . .

دوشنبه ۱۴۰۱/۱۰/۲۶ - ۲۱:۲۰
Background image

ملي دفاع وزارت مرستیال د ۲۰۵ البدر قول اردو څخه لیدنه وکړه

 نن ورځ د ملي دفاع وزارت لومړي مرستیال الحاج ملا محمد فاضل "مظلوم" د ۲۰۵ البدر قول اردو په اداري مجلس کې دګډون ترڅنګ له یادې قول اردو څخه لیدنه وکړه.

 ملا محمد فاضل "مظلوم" د غونډې. . .

بېرته خبرونه ته