د ملي دفاع وزارت سرمفتش د پوځي پلاوي په مشرۍ ۲۱۵ عزم قول اردو ته سفر وکړ
د ملي دفاع وزارت سرمفتش الحاج مفتي لطيف الله «حکيمي» د یو پوځي پلاوي په مشرۍ د کاري وضعيت ارزونې په موخه هلمند ولايت ته سفر وکړ او هلته يې د ۲۱۵ عزم قول اردو څخه لېدنه وکړه.
د ملي دفاع وزارت سرمفتش او ورسره ګډ پلاوي د عزم قول اردو له چارواکو سره ګډه ناسته تر سره کړه، په دغه ناسته کې مسؤلینو د هلمند ولایت اړوند هر اړخیز معلومات له تللي پلاوي سره شریک کړل.
د ملي دفاع وزارت سرمفتش د یادې قول اردو د چارواکو وړاندیزونه او ستونزې واورېدې، نوموړي د دغه قول اردو د چارواکو او منسوبینو له نه ستړي کیدونکو کوښښونو قدردانی وکړ، د قول اردو منسوبینو ته یې لازمې لارښوونې وکړې او له هغوی سره یې د ستونزو د حل ژمنه وکړه.
