د ملي دفاع سرپرست وزیر د هېواد لويديځ زون ته د سفر په ترڅ کې د افغانستان او ايران ترمنځ سرحدي کرښې څخه لیدنه وکړه
د ملي دفاع سرپرست وزیر مولوي محمد یعقوب «مجاهد» جنوب لویدیځ زون ته د سفر په بهير کې تيره ورځ د ۲۰۷ الفاروق قول اردو د مسوولينو سره د افغانستان او ايران ترمنځ د مستقرو قطعاتو او جزوتامونو څخه ليدنه وکړه.
په دې ليدنه کې د ملي دفاع سرپرست وزیر د هرات اسلام قلعه کنډکونو تر ۷۸ ميله لرې د «ابو نصر فراهي» کنډک، چې په فراه ولایت کې موقعیت لري د ليدنې تر څنګ د منسوبينو ستونزې او وړانديزونه واوريدل.
همداراز د ملي دفاع سرپرست وزیر په دغه سفر کې د هېواد لويديځ زون په ځانګړي توګه د يادو دواړو هېوادونو ترمنځ سرحدي سيمو کې د لا ښه امنيت ټينګښت په موخه مسوولينو ته لازمې لارښوونې او سپارښتنې وکړې.
