د ملي دفاع وزارت ستردرستیز په توپچي ریاست کې د ( ZU23 ) دومیله دافع هوا دستګاه له مسلکي زده کړو څخه د سیمیزو قطعاتو او سرحدي لواء ګانو ۳۰ تنه ځوان منسوبین د یاد وزارت د یو شمېر مسؤلینو په حضور کې فارغ شول.

دغو مراسمو کې مسؤلینو هر اړ خیزې ویناوې وکړې او زیاته یې کړه: تاسو د اسلامي نظام مدافعین یاست او د دې خاورې ساتنه ستاسو اساسي دنده ده، د امراوو لخوا درسپارل شويو مسؤلیتونو ته متوجې شئ؛ اخلاص او تقوا خپل معیار وګرځوئ.

غونډه فارغانو ته د تصدیق پاڼو په ورکولو او دعایه کلام سره پای ته ورسېده.