د کندهار هوایي لواء تخنیکي پرسونل له لورې یوه MI -17 ډوله هلیکوپتر ترمیم شوه

د کندهار د هوایي لواء، هوایي تخنیک د تکړه انجينرانو له لورې یو بال MI-17 هلیکوپتر چې له فعالیته لویدلې او د ډیپو کولو امر یې شوی وو، د یادې لواء د ساتنې او پالنې ګروپ د هوایي تخنیک د مجربو انجينرانو د پرلپسې هڅو وروسته بیرته ترمیم او په بریالۍ توګه یې الوتنه تر سره کړه.

د کندهار هوایي لواء قوماندان، ملا محمد عیسی "یاسین" د هوایي تخنیک د انجينرانو څخه د مننې تر څنګ د هغوی هڅې وستایلې او په دې برخه کې یې د لا زیار ایستلو هیله څرګنده کړه.

د یادونې وړ ده چې د نوموړې لواء له لوري تر دې وړاندې هم ګڼ شمېر چورلکې ترمیم او د استفادې وړ ګرځیدلي دي.