مطبوعاتي خبر پاڼه د ۱۳۹۸ لمریز کال وري د میاشتې ۹ مه نیټه
د هیواد په بیلابیلو سیمو کې د ۱۲ ترهګرو مرګ ژوبله
کابل-افغانستان: د ملي اردو ځواکونو په تیرو۲۴ساعتونو کې ۷ ګډ پلان شوي تعرضي او چاڼیز عملیات،۸۴ ځانګړي کوماندویي دندې او ۳هوایي بریدونه د جګړه مارانو او ترهګرو پر ځالو او د دوی د له منځه وړلو په موخه د هیواد په بیلابیلو سیمو کې تر سره کړي ، د افغانستان هوایي ځواکونو ۱۲۱ الوتنې د ملي اردو د ځواکونو د ملاتړ په موخه کړي چې په پایله کې ۶ تنه وسله وال ترهګر وژل شوي او ۶ تنه نور ټپیان شوي دي.
دا عملیات د هوایي ځواکونو په ملاتړ د کوڼړ، ننګرهار، پکتیکا، غزني، بادغیس، فراه ، بغلان او هلمند په ولایتونو کې تر سره شوي چې په پایله کې:
د فراه ولایت د پشت رود ولسوالۍ کې د ۲۰۷ نمبرظفر قول اردو د ۲ پلې لوا د ملي اردو ځوانو د چانیزو عملیاتو پر مهال ۳ تنه ترهګر وژل شوي او ۵ تنه ټپیان شوي .
د هوایي برید په ترڅ کې چې د ډښمن د پټنځای د له منځه وړلو په موخه د غوڅ ملاتړ د هوایي ځواکونو له خواه د ملي اردو ځواکونو په ملاتړ د پکتیکا ولایت د برمل ولسوالۍ کې تر سره شوی ۲ تنه ترهګر وژل شوي دي .
د هلمند ولایت د موسی کلا په ولسوالۍ کې د هوایي برید په ترڅ کې چې د ملي اردو خواکونو د ملاتړ په موخه تر سره شوی یو تن ترهګر وژل شوی او یو تن ټپي شوی دی.
زمونږ عملیات د کونړ، ننګرهار، غزني، لادغیس، فراه او بغلان په ولایتونو کې په ډیر بریالیتوب د پرمختګ په حال کې دي ، جې د دغو عملیاتو لاسته راوړنې به د رسنیو له له لارې ګرانو هیواد والو سره شریکې کړو .
په خواشینۍ سره چې په دغو نښتو کې ۵ تنه د ملي اردو زړور سرتیري چې د هیواد د دفاع او د اسلامي او انساني ارزښتونو لپاره په ډیره میړانه د ژوند تر آخره سلګۍ پورې د دښمن پر وړاندې یې مبارزه کړي، شهیدان او یو شمیر ټپیان شوي دي. د ملي دفاع وزارت مشرتابه د پاک الله له درباره څخه شهیدانو ته د فردوس جنت، ټپیانو ته د ژر تر ژر روغتیا او پاتې کورنیو ته یې د زړه صبر غواړي.
دملي اردو زړور منسوبين د هیواد د دفاعي ځواک په توګه، په ټول قوت سره د خلکو د امنیت او هوساينې لپاره هر ډول قربانۍ او سرښندنو ته چمتو دي. ملي اردو د تروریستانو د ځپلو لپاره قوي عزم او اراده لري.