د عبدالله بن مسعود رضي الله عنه د جگړه ایزو ګډو زده کړو له قوماندانۍ څخه ١٠٣ تنه بریدملان فارغ شول
د ملي دفاع وزارت د بېلابېلو قول اردوګانو او قطعاتو څخه ۱۰۳ تنه بریدملان د عبدالله بن مسعود رضي الله عنه د جګړه ایزو ګډو زده کړو قوماندانۍ د ټيټ رتبه بریدملانو ښوونځي د دلګي مشرانو او بلوک مشرانو له مسلکي زده کړو څخه نن د یو لړ مراسمو په ترڅ کې فارغ شول.
د جګړه ایزو ګډو زده کړو قومندان مولوي نصیب الله«مدني» یادو فارغانو ته له اِعداد څخه د فراغت مبارکۍ ویلو تر څنګ اړینې لارښوونې وکړې او زیاته يې کړه: ((مجاهدینو! اسلامي اردو په لیکو کې په زړورتیا، مېړانه او پاک نیت سره خپل مسؤلیتونه سرته ورسوئ، ځکه دا د مجاهد صفتونه دي)).
ورته مهال نویو فارغانو اسلامي نظام څخه د دفاع او ساتنې په پار بشپړ چمتووالی وښود.