د شهید سردار محمد داود خان په ۴۰۰ بستریز روغتون کې د (اصلاح سوء) بریالي عملیات ترسره شول
شهید سردار محمد داود خان په ۴۰۰ بستریز روغتون کې د ستردرستیز روغتیایي چارو مرستیال پروفیسور دوکتور عبدالولي "احمدزي " تر سرپرستی لاندې د متخصصو او باتجربه ډاکټرانو له لوري د ارتوپیدي په څانګه کې د یوې ښځې د (سوء شکل) بریالي عملیات تر سره شول.
دغه ښځه د هیواد د یو لرې ولایت اوسېدونکې وه، د اقتصادي ستونزو له امله یې نشو کولای ډاکټرانو ته مراجعه وکړي وروسته یې د شهید سردار محمد داود خان روغتون ته مراجعه وکړه، چې د مجربو ډاکټرانو له لوري یې بریالي عملیات تر سره شول او اوس مهال یې صحت د ډاډ وړ دی.
د شهید سردار محمد داود خان روغتون څو ځله مخکې هم داسې ولادي او غیر ولادي پیچیده عملیات د ملي دفاع وزارت له بودیجې څخه سرته رسولي دي.