په ملي پوځي اکاډمۍ کې د شاملیدو په خاطر له ۵ زره داوطلبانو ازموینه واخیستل شوه
د مارشال فهیم ملي دفاع پوهنتون ملي پوځي اکاډمۍ کې د شاملیدو په موخه هېواد د بیلابیلو سیمو ۵ زره نارېنه او ښځېنه داوطلبانو څخه د کانکور ازموینه، د وسله وال پوځ لوی درستیز ډګر جنرال ولي محمد "احمدزي"او د ازموینو ملي ادارې د نظارت کونکو په شتون کې واخستل شوه.
د وسله وال پوځ لوی در ستیز د ملي اردو په لیکو کې شوق او علاقې سره د ځوانانو له ګډون څخه ستاینه وکړه او زیاته یې کړه: "په دې حساسو شرایطو کې چې تاسو په دفاعي ځواکونو کې د شاملیدو په موخه راغلي یاست، هېوادنۍ او دینې وجیبه مو ادا کړه او د زده کړو سرته رسولو وروسته د یو مسلکي ځواک په توګه له خطر ډکه دنده چې د هېواد څخه دفاع کول دي ولیږدول شئ."
له بلې خوا، د ملي ازموینو د پلاوي مشر روضت الله "مجیدي" د ازموینو د روڼتیا او عدالت په برخه کې داوطلبانو ته ډاډ ورکړ.
همدا راز داوطلبانو د ازموینې له تر سره کیدو خپل بشپړ رضایت څرګند کړ.
