کندهار کې ۳۳ طالبان ووژل شول
تېره ورځ دفاعي او امنیتي ځواکونو د هوایي قواوو په ملاتړ د کندهار ولایت د میوند, ارغنداب, ډنډ او ارغستان ولسوالیو اړوند سېمو کې عملیات تر سره کړل.
د دې عملیاتو په پایله کې ۳۳ طالبان ووژل شول, ۱۳ تنه ټپيان, د دښمن یو شمېر وسلې او مهمات له منځه یوړل شول.
همدا راز د یاد ولایت ارغنداب, میوند او معروف ولسوالیو کې د ملي اردو منسوبینو له خوا ۴۹ کړۍ ماینونه کشف او شنډ شول او د لویو خونړیو چاودنو مخه ونیول شوه.